Бу хакта шәһәр мэриясендә узган утырышта Бөгелмә муниципаль районы башлыгы Линар Закиров белдерде.
«Җиде төр эш башкару планлаштырыла: юлларны ремонтлау, тротуарларны ремонтлау, тышкы яктырту җайланмасы кую, эскәмияләр һәм урналар урнаштыру, ТКО мәйданчыкларын урнаштыру, өслеге ком-гравий катнашмасыннан торган балалар җиһазлары урнаштыру, өлешчә яшелләндерү», - диде мэр. Моннан тыш, Линар Закиров билгеләп үткәнчә, һәр ишегалды, яшәүчеләрнең теләкләрен исәпкә алып, шәхси каралачак.

Бөгелмә шәһәрендә 2020 елга 62 ишегалды территориясе, 2021 елга - 91 ишегалды, 2022 елга - шәһәрнең 119 ишегалды территориясе ремонтланачак.

Татарстанда өч ел эчендә 7 мең ишегалдын ремонтлау планлаштырыла. Программаны гамәлгә ашыруга республика бюджетыннан 50 млрд сум акча бүленгән. Ремонт эшләрен 2020 елның апрель-маенда беренче чиратта моңа мохтаҗ ишегалларыннан башларга планлаштыралар.

Мәгълүмат һәм фото - Бөгелмә муниципаль районы порталыннан