RSS канал
Пятница, 30.10.2020, 23:15
Главная » 2020 » Октябрь » 12 » Бөгелмә мөхтәсибәте “Татарча диктант” белем бирү акциясенә йомгак ясады.
Бөгелмә мөхтәсибәте “Татарча диктант” белем бирү акциясенә йомгак ясады.
Бөгелмә мөхтәсибәте “Татарча диктант” белем бирү акциясенә йомгак ясады.
Бөгелмә шәһәре һәм районы мөхтәсибәтендә “Татарча диктант” Бөтендөнья белем бирү акциясенә йомгак ясадылар. Конкурс призерларын бүләкләү тантанасы Бөгелмә шәһәренең Үзәк мәчетендә узды. Бөгелмә шәһәре һәм Бөгелмә районы имам-мөхтәсибе, Татарстанның Көньяк-Көнчыгыш төбәге казые Рамил хәзрәт Хөснетдинов җиңүчеләргә дипломнар тапшырды һәм кыйммәтле бүләкләр белән бүләкләде. “Татарча диктант”та катнашучыларның эшләрен югары квалификацияле татар теле укытучылары тикшерде. Исегезгә төшерәбез, «Татарча диктант» 26 сентябрьдә Бөгелмә шәһәренең Үзәк мәчетендә «Татар халкының милли үзенчәлеген саклау» ТР дәүләт программасы кысаларында узды.

Мәгълүм булганча, быел акциядә катнашучылар Ибраһим Газинең «Сыерчыклар» әсәре буенча диктант язды. Татар телен белү дәрәҗәсенә карамастан, акциядә теләге булган һәркем катнаша алды. Алар барысы да хатасыз итеп татарча диктант язды.

Акция тәмам булганнан соң призлы урыннар түбәндәгечә бүленде:

I урын – Гадиева Мәрьям;

II урын – Рәүпов Баязит;

III урын – Рәхмәтуллина Зинфира.

Өч ел дәвамында Бөгелмә шәһәрендә Татарстан Республикасы мөселманнары Диния нәзарәтенең Бөгелмә шәһәре һәм Бөгелмә районы мөхтәсибәте тарафыннан татар телен өйрәнү курслары оештырыла. Быел бушлай татар теле курслары Бөгелмәнең ике мәчетендә: дүшәмбе һәм чәршәмбе көннәрендә Үзәк мәчеттә, сишәмбе һәм җомга көнне “Ирхам” мәчетендә узачак. Татар теле дәресләренә, яшенә һәм милләтенә карамастан, теләге булган һәркем йөри ала. Дәресләр 18.00 сәгатьтә башлана.
Категория: Новости на татарском | Просмотров: 490 | Добавил: news | Рейтинг: 0.0/0
Всего комментариев: 0
avatar
Похожие новости:
Бугульма © 2008-2020 . Все права защищены.
При использовании материалов сайта ссылка на сайт обязательна.