Сәламәтлек саклау учреждениеләре, саклау чараларын һәм медицина җиһазларын җитештерүчеләр көчәйтелгән режимда эшли. Коронавирус таралуга каршы көрәшнең төп чараларының берсе – контактларны минимальләштерү һәм карантин режимын үтәү. Россия Федерациясе Президенты Владимир Владимирович Путин 30 марттан 5 апрельгә кадәр ял атнасы игълан итте. Бу карар, барыннан да элек, гражданнарыбызның сәламәтлеген саклау турында кайгыртучанлык йөзеннән эшләнә.

Бөгелмә муниципаль районында барлык массакүләм чаралар гамәлдән чыгарылды, студентлар һәм мәктәп укучылары дистанцион уку-укыту режимына күчерелде. Күңел ачу биналары, җәмәгать туклануы объектлары һәм сәүдә нокталары эше туктатылды. Ашыгыч ярдәм күрсәтү өчен азык-төлек һәм азык-төлек кибетләре, даруханәләр, коммуналь хезмәтләр, медицина учреждениеләре генә эшне дәвам итә.

Бу җаваплы чорда барлык кисәтү һәм карантин чараларын үтәвегезне, өйдә булуыгызны, чит илдән килгән, ә күрсәтмә бирелгән кешеләргә үз-үзеңне изоляцияләү режимында булырга кирәк кешеләр белән аралашудан качуыгызны сорыйм.

Шуны искәртергә кирәк, коронавирус йогышының үзенчәлеге аның тиз таралуында. Эшсез атна – профилактик эш алып бару һәм инфекциянең таралуына юл куймау мөмкинлеге ул.

Хөрмәтле әти-әниләр, әби-бабайлар!

Балаларыбызның күбесе язгы каникулларда, я дистанцион укытуда. Балаларны игътибарсыз калдырмагыз! Аларны караучысыз калдырырга ярамый!

Кадерле дуслар!

Уртак көч белән генә без туганнарыбызның һәм якын кешеләребезнең сәламәтлеген саклый алабыз, бары тик бергәләп кенә инфекция таралу куркынычын булдырмый кала алабыз.

Барыбыз да җаваплылыкны аңларбыз, бер-беребез турында кайгыртучанлык күрсәтербез, имин киләчәгебезне тәэмин итәрбез, дип ышанам.

Үзегезне, туганнарыгызны һәм якыннарыгызны саклагыз! Өйдә калыгыз! Бөгелмә муниципаль районы башлыгы, Бөгелмә шәһәре мэры Линар Рөстәм Улы Закиров