RSS канал
Суббота, 30.05.2020, 05:11
Главная » 2020 » Апрель » 8 » "Бердәмроссиялеләр"нең волонтерлар үзәге тәүлегенә 150дән артык шалтырату кабул итә
"Бердәмроссиялеләр"нең волонтерлар үзәге тәүлегенә 150дән артык шалтырату кабул итә
«Бердәм Россия»нең волонтерлык үзәгенә тәүлек эчендә 150дән артык шалтырату килә. Бу хакта ТР Дәүләт Советы Рәисе һәм «Бердәм Россия» партиясенең Татарстан төбәк бүлеге секретаре Фәрит Мөхәммәтшин партиянең коронавирус таралуга каршы көрәш буенча төбәк волонтерлык үзәкләре вәкилләре белән онлайн-киңәшмәдә сөйләде, дип хәбәр итә партиянең төбәк бүлеге мәгълүмат үзәге.

«Бердәм Россия» партиясе рәисенең Татарстандагы иҗтимагый кабул итү бүлмәсе базасында гражданнарга ярдәм күрсәтү буенча волонтерлык үзәге булдырылды», — дип искәртте республика парламенты башлыгы.

«Безнең республикада "Бердәм Россия" партиясеннән волонтерларга ышаныч арта. Бу хакта мөрәҗәгать итүчеләр саны да, тормышка ашырылган мөрәҗәгатьләрнең күрсәткече дә сөйли. Казанда булган партиянең волонтерлык үзәгенә тәүлегенә 150-170 шалтырату килә», — диде партиянең Татарстан бүлеге секретаре.

Фәрит Мөхәммәтшин ассызыклаганча, гражданнарга ярдәм күрсәтү эшенә республика парламенты депутатлары, шулай ук Татарстанда 7 меңнән артык хакимиятнең җирле вәкиллекле органнары актив кушылды.
Категория: Новости на татарском | Просмотров: 455 | Добавил: news | Рейтинг: 0.0/0
Всего комментариев: 0
avatar
Похожие новости:
Бугульма © 2008-2020 . Все права защищены.
При использовании материалов сайта ссылка на сайт обязательна.