RSS канал
Четверг, 20.02.2020, 11:53
Главная » 2020 » Январь » 22 » Песошин министрлыкларга тышкы сәүдә әйләнеше кимү сәбәпләрен өйрәнергә кушты.
Песошин министрлыкларга тышкы сәүдә әйләнеше кимү сәбәпләрен өйрәнергә кушты.
22.01.2020bugulma-tat.ru
Песошин министрлыкларга тышкы сәүдә әйләнеше кимү сәбәпләрен өйрәнергә кушты.
Татарстан Премьер-министры ТР Инвестицион үсеш агентлыгын республика министрлыклары белән бергә сәнәгать мәйданнарына яңа резидентлар җәлеп итү буенча эшне көчәйтергә чакырды.
Татарстан Премьер-министры Алексей Песошин Сәнәгать һәм сәүдә министрлыгына һәм республика Икътисад министрлыгына тышкы сәүдә әйләнешенең кимү сәбәпләрен өйрәнергә кушты. Бу хакта ул ТР Инвестицион үсеш агентлыгы коллегиясенең йомгаклау утырышында белдерде.
«Татарстанга 28 илдән инвестицияләр керде. Узган елның тугыз ае нәтиҗәләре буенча иң зур күләм Германия, Нидерланд, Сингапур, АКШ, Төркия, Берләшкән Гарәп Әмирлекләренә туры килә. Шул ук вакытта хисап чорында республиканың тышкы сәүдә әйләнеше сизелерлек кимегән. Бу җәһәттән Татарстан Сәнәгать һәм сәүдә министрлыгына, республика Икътисад министрлыгына моның сәбәпләрен җентекләп анализларга һәм тәкъдимнәр кертергә кирәк», – диде ул.
Регионның инвестицион җәлеп итүчәнлеге - икътисади һәм социаль үсешнең төп күрсәткечләренең берсе. Икътисадның реаль секторына инвестицияләр кертү гражданнарның иминлеген арттыра һәм җәмгыятьтә социаль тотрыклылык нигезе булып тора, диде Татарстан Хөкүмәте башлыгы.
Республикага инвестицияләр җәлеп итү өчен өстенлекле социаль икътисади үсеш территорияләренә һәм махсус икътисади зоналарга бирелә торган салым ташламалары җитди этәргеч бирә. Бу мәйданчыкларның потенциалы Татарстанга РФ Президенты Владимир Путин куйган максатны ел саен кимендә 5 процентка арттырырга мөмкинлек бирәчәк, диде Песошин. Ул ТР Инвестицион үсеш агентлыгын республика министрлыклары белән бергә сәнәгать мәйданнарына яңа резидентлар җәлеп итү буенча эшне көчәйтергә чакырды.
Моннан тыш, Татарстан Республикасы Премьер-министры хакимият органнарын дәүләт-шәхси партнерлык механизмнарына игътибар итәргә өндәде. Ул бу юнәлештә Санкт-Петербург тәҗрибәсен өйрәнергә киңәш итте.
Категория: Новости на татарском | Просмотров: 244 | Добавил: news | Рейтинг: 0.0/0
Всего комментариев: 0
avatar
Похожие новости:
Бугульма © 2008-2020 . Все права защищены.
При использовании материалов сайта ссылка на сайт обязательна.