Бөгелмәдә җиңел машина юлда яткан ир-атны таптаган . Нәтиҗәдә ир-ат һәлак булган. Бу хакта Эчке эшләр министрлыгының Татарстан буенча идарәсенең матбугат хезмәтендә хәбәр иттеләр.

Беренчел мәгълүматлар буенча, кичә, төнге берләр тирәсендә Радищев урамында «Лада» машинасының 30 яшьлек йөртүчесе куркынычсыз тизлекне сайлый алмаган. Караңгыда юлда яткан кешене күрмәгән һәм аның өстеннән чыккан. Алган имгәнүләреннән ир-ат һәлак булган.